INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#4 Nalliuttorsiorneq, kalattoorneq napasuliamilu immiussinerit / Lancering, kalattuut og tårnet
INUNA-p ammaanersiorlugu nalliuttorsiutigineqarnera immikkoortumi kingullermi saqqummersoq matumani nangissavarput. INUNA-mi suleqatigiit kaffillerlutik qaaqqusineranni, oqalugiartoqarpoq, kalattoortoqarpoq, erinarsoqatigiit erinarsorput nipilersortoqarlunilu. Ilanngullugit tusaasinnaassavasi erinarsoqatigiit Kilitaq Skive-minngaanneersut, nipilersortartoq Kai Bredholdt aamma Nikolaj Løvstrøm. Naggataagut INUNA-p immiussisarfia napasuliaq qaaqqusanit takornariarneqarpoq, piumasullu immiunneqarlutik podcast-imut ilanngunneqarlutik. INUNA-p nipaa napasuliami qutsissumi Nordisk TeaterLaboratorium-imi Holstebro-miittumi pinngorpoq. Napasuliaq immiussinernut, nipinik katiterinernut,‘nuissani’-lu INUNA-p aallakaatitsinerinut takussutissatut ataqatigiissitsisuuvoq.
I dette afsnit bliver vi budt velkomne i sidste del af
lanceringen af INUNA, hvor INUNA teamet har inviteret gæster til kaffemik med taler, festlig dans (kalattuut), korsang og musik. Vi har indslag med koret Kilitaq fra Skive, musiker Kai Bredholdt og Nikolaj Løvstrøm. Til slut er der fremvisning af INUNAs nye lydstudie, hvor gæster får mulighed for at være med i podcasten. Lyden til INUNA bliver produceret i højden, i et tårn på Nordisk Teaterlaboratorium i Holstebro. Tårnet bliver et fysisk bindeled mellem optagelserne, klipningen og skyen, hvor INUNA udsendes fra.
Ilisarititsisoq / Værter & Speak: Connie Kristoffersen, Arnannguaq Skifte Lynge
Speak: Arnannguaq Gerstrøm.
Erinniat aamma nipit / Musik og lyd: Arnannguaq Gerstrøm, Petra Banke.
Nipinik katiterisoq / Lydredigering: Petra Banke.
Redigeret: 9. marts 2023