INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#8 INUNAp Twice Colonized isiginnaarpaa / INUNA ser Twice Colonized
Immikkoortumi uani INUNA København-imiippoq. DR-ip koncerthus-iani festivali CPH:DOX ammaanersiornerani peqataavugut, tassanilu piviusulersaarusiaq Twice Colonized, kalaallinik ingerlatsisooqataaffigineqartoq alapernaaserfigaarput. Isiginnaaqataasimasut filmi sioqqullugu kingornalu, qisuariaataat assigiinngitsut tusagaqarfigissavagut. Inuk Silis Høegh, filmiliornermi ingerlatseqataasoq kiisalu piviusulersaarusiami pingaarnertut inuttaasoq Aaju Peter naapissavagut.
I dagens episode er INUNA i København. Vi tager med til åbningsgallaen for festivalen CPH:DOX i DR koncerthus, hvor de viser den co. grønlandskproducerede dokumentarfilm Twice Colonized. Vi hører reaktioner fra forskellige tilskuere både før og efter visningen. Vi møder også Inuk Silis Høegh som er en af producerne og hovedpersonen Aaju Peter.
Ilisarititsisoq / Værter & Speak: Connie Kristoffersen
Speak: Arnánguak Skifte Lynge, Arnannguaq Gerstrøm.
Erinniat aamma nipit / Musik og lyd: Arnannguaq Gerstrøm, Petra Banke
Nipinik katiterisoq / Lydredigering: Krishna Kandasamy
Redigeret: 23. marts 2023