INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#48 Tulugaq atuarumatooq / En Tulugaq (ravn) med stor læselyst
INUNAmi tusarnaartartut nipinik katersisarnitsinnut tunngatillugu saaffiginnissimasut ilaat, Arnajaraq Joelsen, ilisaritinnera uani tusarnaarneqarsinnaavoq. Arnajaqqap ilaatigut meeraanermini aanakkumi ilagisarnerini pissarsiarisarsimasani oqaluttuarai, Nuummut peqqaarami tupinnartorsiani, Danmarkimi attaveqariaatsip nunatsinnut naleqqiullugu allaanerussutaasutut maluguniarsimasani aammalu kinguaariit ikittut ingerlaneranni inuiaqatigiit allanngorneranut isummersuutini pillugit oqaluttuarai.
I dette afsnit hører vi om Arnajaraq Joelsen, som er en af de personer, der har henvendt sig til INUNA. Hun fortæller bl.a om hvad hun har fået ud af sine bedsteforældre, når hun som barn har tilbragt tid med dem, hvad hun blev overvældet over da hun for første gang kom til Nuuk, hvilke forskelle hun har lagt mærke til der er omkring kommunikationen mellem danskere og grønlændere og hendes anskuelser omkring udviklinge i Grønland gennem få generationer.
Aallakaatitassiortoq / Tilrettelægger: Arnanguak Lyberth
Ilisarititsisoq / Vært: Arnanguak Lyberth
Speak: Katrina Lindberg Boassen & Arnannguaq Gerstrøm
Peqataasoq / Medvirkende: Arnajaraq Joelsen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kandasamy
Aaqqissuunneqarpoq / Redigeret: 6. september 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.