INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#50 Ammasumik oqaloqatigiinnermik pilersitserusussusilik / Med lysten til at skabe rum for åbenhed
INUNAmi tusarnaartartut nipinik katersisarnitsinnut tunngatillugu saaffiginnissimasut ilaat, Mia Skifte Lynge, ilisaritinnera uani tusarnaarneqarsinnaavoq. Mia Danmarkimut noorlaajuvoq, aallakaatitamilu uani nuunnginnermini nooreernerullu kingorna eqqarsaatersuutai tusarnaarsinnaavasi. Miap ilaatigut misigissutsit ammasumik eqqartorsinnaanissai pingaartitaraa, inuttullu nammineq ineriartortuarnissani annerpaatut naleqartillugu. Miap qarasaajuna qanoq ittoq? Aallakaatitami uani tamakku ilaatigut tusarfigisinnaavatit.
I dette afsnit hører vi om Mia Skifte Lynge, som er en af de personer, der har henvendt sig til INUNA. Mia er nylig flyttet til Danmark, og i denne episode kan I høre om hendes tanker op til og efter hun er flyttet. Én af Mias værdier er, at man skal kunne snakke om følelser, samt at det er vigtigt for hende, at hun konstant udvikler sig som menneske. Hvordan fungerer Mia’s hjerne? Det kan du bl.a. høre om i dette afsnit.
Aallakaatitassiortoq / Tilrettelægger: Mia Skifte Lynge & Arnanguak Lyberth
Speak: Arnajaraq Joelsen& Arnannguaq Gerstrøm
Peqataasoq / Medvirkende: Mia Skifte Lynge
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kandasamy.
Aaqqissuunneqarpoq / Redigeret 14. september 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.