INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#55 Misigissutinik oqaasertalersuisinnaaneq / At kunne tale om følelser
Annilaanganeq sunik toqqammaveqarsinnaava? Nakuuserneq allatut isikkoqarsinnaava? Misigissutinik oqaasertalersuisinnaanerup pingaassusaa. Ullumikkut INUNA podcast inunnik soqutiginarluinnartunik oqaloqateqassaaq. Tamatumuunalu oqaloqateqarneq tamatta suliffigalutigu. Oqaloqateqartarnittali siunertaa, periusaalu amerlasuutigut assigiittanngikkaluartoq, inuttut akornatsinni immitsinnut atassuteqarnissap pingaassusaanik tamatta paasisimasaqarpugut.
Nalunngiliuk Danmarkimi najugaqarlutit misigissutsit sakkortuut annernartullu atorlugit oqaloqatissaaleqiguit Tusaannga sianerfigisinnaallugulu SMS-erfigisinnaagakku? Taamaasillutit oqaatsitit nammineq atorlugit artornarsinnaasut pillugit kinaanerit taanngikkaluarlugu oqaloqateqarsinnaavutit.
Tusaannga attavigineqarsinnaavoq ulloq unnuarlu tamakkerlugu.
Attavissat:
Telefon: +299 80 11 80
SMS: +299 18 99
Hvor kan angst stamme fra? Kan vold se anderledes ud? Vigtigheden i at kunne tale om følelser. I Dag taler INUNA podcast med nogle meget spændende mennesker. Og i dette tilfælde er det begge vores job at have samtaler. Selvom formålet og metoden anvendt for samtalerne ofte er meget forskellige, har vi alle stor forståelse for vigtigheden i at have forbindelse iblandt mennesker.
Vidste du at hvis du går rundt med stærke og svære følelser og du mangler at tale med nogen om det, at du kan kontakte Tusaannga på telefon og SMS? På den måde har du mulighed for, anonymt, at tale om svære følelser på grønlandsk.
Tusaannga kan kontaktes døgnet rundt.
Henvendelse kan ske på:
Telefon: +299 80 11 80
SMS: +299 18 99
Aallakaatitassiortoq / Tilrettelægger: Nive Nielsen
Speak: Arnanguak Lyberth aamma Arnannguaq Gerstrøm
Peqataasut / Medvirkende: Tusaannga
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke
Aaqqissuunneqarpoq / Redigeret 2. oktober 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.