INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#59 INUNA - Peqqissuseq / INUNA - Sundhed
Immikkoortumi uani INUNA - Peqqissuseq immikkoortup aappaa tusarnaarsinnaavarsi.
Nakorsat kalaallit europamiunut naleqqiullugit timaasa sananeqaataannik ilisimatusarnikkut misissuineranni INUNA alapernaappoq.
Sara nakorsamut Mette Motzfeldt Jensen-imut siullermeerluni misissortikkiartorpoq, misissortinnermut peqataanissamut aporfiusinnaasunik misissuineq kinguneqassanerpa?
I denne episode kan i høre 2. episode af INUNA - Peqqissuseq / INUNA - Sundhed.
INUNA er nysgerrig på lægernes forskningsprojekter omkring inuit’s vs. kaukasiske sundhed.
Sara er taget til første undersøgelse hos læge Mette Motzfeldt Jensen, mon der findes noget der indikerer i at blive udelukket?
Aallakaatitassiortoq / Tilrettelægger: Sara Fredsbo
Speak:Arnannguaq Gerstrøm aamma Sara Fredsbo
Peqataasoq / Medvirkende: Mette Motzfeldt Jensen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kandasamy
Akisussaasoq / Ansvarlig: Arnannguaq Gerstrøm
Siullermik aallakaatinneqarpoq 17. Oktober 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast er en del af Nordisk Teaterlaboratorium med Arnannguaq Gerstrøm som projektleder.