INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#63 Aliortukkat eqqumiitsullu / Spøgelseshistorier og mystiske hændelser
Sapaatip akunnerani uani INUNA-mi qiiaamminartut sammivagut. INUNA Podcast-mi sulisut arfineq marluulluta Halloweenimut atatillugu, Holstebromi Nordisk Teaterlaboratorium isiginnaartitsisarfitoqaani unnukkut oqaluttuaqattaappugut.
Ilaatigut quilertareertigaluta ersisaartilluta, nilliasarniarlutalu illaqattaarpugut.
Tupinnaqisunik assilisanik nassuiaruminaatsunik aamma takuvugut. Tamakku tamaasa facebookimut instagramimullu aamma ikkusuuppagut.
I denne uge har vi i INUNA fokus på det uhyggelige. Syv af INUNA Podcasts medarbejdere er taget til Holstebro og fortæller om uforklarlige, mystiske hændelser og uhyggelige historier i forbindelse med Halloween.
Vi fortæller historier i Nordisk Teaterlaboratoriums gamle lokaler om aftenen.
Udover at være skræmte af vores egne historier, laver teatret et uhyggeligt event, og vi skriger og griner. Vi får billeder af uforklarlige ting, som vi også deler på facebook og instagram.
Aallakaatitassiamik katiterisoq / Tilrettelægger: Nive Nielsen
Peqataasut / Medvirkende: Arnajaraq Joelsen, Arnannguaq Gerstrøm, Arnanguak Lyberth, Mia Skifte Lynge, Nive Nielsen, Sara Fredsbo, Pia G frederiksen
Speak: Nive Nielsen aamma Arnannguaq Gerstrøm
Erinniat aamma nipit / Musik og lyd: Arnannguaq Gerstrøm, Petra Banke aamma Charles Shapiro
Nipigissaasoq / Lydredigering: Krishna Kandasamy
Aaqqissuunneqarpoq / Redigeret: 31. oktober 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.