INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#66 Inuunermi pingaartitat Imm. 2 / Livsværdier, Del 2
Immikkoortumi uani, Kim Falck-Petersenip oqaloqatiginerani immikkoortup aappaa tusarnaarneqarsinnaavoq.
Asanninnerup qanoq iluseqarsinnaanera ilaatigut eqqartorpaa, tassami Kimi angutinik marlunnik inooqateqarpoq. Asanninneq, ataqqeqatigiinneq oqaloqatigiilluarsinnaanerlu qitiulluinnarnerat oqaatigaa, taavalu kultuurit pingasut inooqatigiinnerat iserfigillatsiarlugu.
Kimip angalaneq nuannariuaannarnikuuaa, ilaatigullu illorqarfissuarmi eqqissisimaneq misigisarlugu. Angalanerit suunukua nuannersumik tunisisartut, angalanerillu suut nuanninnginnerusunik misigisitsisartut?
Tamakkua ilaatigut immikkoortumi uani tusarnaarsinnaavasi.
I dette afsnit kan I høre den anden del af interviewet med Kim Falck-Petersen.
Kim snakker bl.a. om hvordan kærlighed også kan se ud, han bor nemlig sammen med to mænd. Han understreger, at de lever med kærlighed, respekt og god kommunikation som centrale elementer, samt fortæller han om hvordan det er at have tre forskellige kulturelle baggrunde i hjemmet.
Kim elsker at rejse, og føler bl.a. ro i storbyer. Hvilke rejser giver gode oplevelser, og hvilke rejser giver mindre gode oplevelser?
Det kan du bl.a. høre om i dette afsnit.
Aallakaatitassiortoq / Tilrettelægger: Mia Skifte Lynge
Speak: Arnánguak Lyberth & Arnannguaq Gerstrøm
Peqataasoq / Medvirkende: Kim Falck-Petersen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke
Aaqqissuunneqarpoq / Redigeret: November 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.