INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#77 Juliep juullerpalaava / Julestemning hos Julie
Immikkoortumi uani suleqatitta Miap Aarhusimi Musikhusimi Julie Berthelsen oqaloqatigaa, kingornalu tusarnaartitsinerani aamma tusarnaartuulluni.
Julie ukiorpassuarni nunatsinni Danmarkimilu tusaamaneqarluarpoq, taakkualu ilaatigut eqqartorneqarput.
Juullimut tusarnaartitsisarnerit qanoq aallartissimaneranik aamma oqaloqatigaarput.
Tusarnaartitsinerup ingerlanerani oqariartuutit nuannersut ilaatigut oqaatigineqarput, pingaarnerillu ilagaat: Juullilernerani asanninneq, kialaarneq, qiimanerlu inoqatitsinnut tunniuttagarput – qanortoq ulluinnarni aamma atoraluarutsigu <3
I denne episode snakker vores kollega Mia sammen med Julie Berthelsen i Musikhuset i Aarhus.
Julie har været en kendt stemme i Grønland og Danmark i efterhånden mange år, og det snakker vi bl.a. om i denne episode.
I kan også høre om hvordan Juleturnéen er opstået.
I løbet af koncerten var der finde budskaber, og en af de vigtigste er: Vi deler kærlighed, varme og glæde ud til vores medmennesker i juletiden – tænk hvis vi gjorde det til hverdag også <3
Aallakaatitassiamik aaqissuisoq / Tilrettelægger: Mia Skifte Lynge
Peqataasut / Medvirkende: Julie Berthelsen aamma Paninnguaq Høegh
Speak: Mia Skifte Lynge aamma Arnannguaq Gerstrøm
Erinniat aamma nipit / Musik og lyd: Arnannguaq Gerstrøm, Petra Banke
Nipigissaasoq / Lydredigering: Petra Banke
Aaqqissuunneqarpoq / Redigeret: 19. december 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.