INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#80 Ukioq 2023 naavoq / Året 2023 er ved vejs ende
Ukioq INUNA Podcastimi aallarnerfiusoq naalerpoq. Ukioq ilaatigut pissanganartunik, pisorpassuarnik nuannersorpassuarnillu misigisaqarfiuvoq. Immikkoortumi uani INUNA-mi ilisarititsisartut ilaat ukiumi qaangiutilersumi pisut kingumut qiviarfigaat. Immiussinermi akunnattoorfiit qungujunnarsinnaasut akunniliunneqartut aamma tusarnaarneqarsinnaapput. Malugiuk aamma ukiortaami inuulluaqqussut immikkut qallunaatut oqaasertaqarluni saqqummermat.
Året, hvor INUNA Podcast begyndte, er ved at være ved vejs ende. Året bød bl.a. på begivenheder, der var spændende, der blev mødt mange mennesker og hvor det var en masse gode stunder. I denne episode kigger nogle af værterne tilbage på året. Under optagelserne kan det ske, at det ikke helt går som det skal, og nogle af disse kan høres som fraklip, der kan bringe et smil frem på læberne. Læg venligst mærke til at der sammen med denne episode er udkommet en nytårshilsen, en bonusepisode på dansk også.
Aallakaatitassiortoq: Arnanguak Lyberth
Peqataasut: INUNA Podcastimi aallakaatitsisartut, Sara Fredsbo, Arnanguak Lyberth, Mia Skifte Lynge, Pia G. Frederiksen, Nivé Nielsen, Arnanguak Skifte Lynge, Connie Kristoffersen, Arnajaraq Joelsen aamma Kristian Mølgaard
Speak: Arnanguak Lyberth aamma Arnannguaq Gerstrøm
Erinniat aamma nipit: Arnannguaq Gerstrøm & Petra Banke
Nipinik katiterisoq: Petra Banke
Siullermik aallakaatinneqarpoq 28. december, 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium