INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#88 Eqqumiitsuliornerup silarsuaani / I kunst verdenen
Eqqumiitsuliornermik ilinniartoq pulaarparput / Vi besøger en kunststuderende
Immikkoortumi uani INUNA Podcastimi suleqatitta Kristiane Mikaelsen pulaarpaa.
Kristiane arnaavoq inuusuttoq, Tasiilami peroriartortoq taavalu eqqumiitsuliornermut pikkorilluinnartoq.
Kristiane qatanngutigiinni nukarlersaavoq, Tasiilamilu peroriartorneranik, eqqumiitsuliortarneranik ukiarlu immikkuullarilluinnartumik misigisaqarneranik paasiniaavigaarput.
I denne episode besøger vores kollega fra INUNA Podcast Kristiane Mikaelsen.
Kristiane er en ung kvinde, som er opvokset i Tasiilaq og er en fantastisk kunstner.
Kristiane er den yngste af sine søskende, og vi dykker ned i hendes opvækst i Tasiilaq, hendes kunst og hendes særlige oplevelse i efteråret.
Aallakaatitassiortoq / Tilrettelægger: Mia Skifte Lynge
Peqataasoq / Medvirkende: Kristiane Mikaelsen
Speak: Arnánguak Lyberth aamma Arnannguaq Gerstrøm
Erinniat aamma nipit / Musik & lyd: Arnannguaq Gerstrøm aamma Petra Banke
Nipinik katiterisoq / Lydredigering: Krishna Kandasamy
Aaqqissuunneqarpoq / Redigeret: ukioq / vinter 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.