INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#90 Ilinniartitsisutut utoqqalinersiaqalernermi Danmarkimut nuuttarneq / Flytning til Danmark som pensioneret lærer
INUNA alapernaappoq: Ilinniartitsisutut utoqqalinersiaqalernermi Danmarkimut nuuttarneq / INUNA undersøger: Flytning til Danmark som pensionist
Soormitaavaana ilinniartitsisut utoqqalinersiaqaleraangamik Danmarkimut nuuttartut? Tamanna INUNA podcastip misissorpaa.
Uani aallakaatitassiami inuunerup ukialernerani aalajangernerit annersaasa ilaat pillugu tusagaqarpugut – tassa utoqqalinersiaqalerneq. Tusaamasartakkat malillugit ilinniatitsisut utoqqalinersiaqaleraangamik Danmarkimut nuuttarsimasut tusaamasarpagut. Tamannalu soqutiginaateqartillugu suleqatitta Arnajaqqap misissorpaa. Misissornerani IMAK-imi siulittaasoq Elna T. Heilmann aamma ukiopassuit ilinniartitsisuusimasoq Jakunguak Skade oqaloqatigai.
Hvorfor flytter pensionerede folkeskolelærere til Danmark? Det undersøger INUNA podcast.
Livets efterår- man skal tage skelsættende beslutninger – herinder angående pensionisttilværelsen. Vi har hørt rygter om at mange mange pensionerede folkeskolelærere flytter til Danmark- hvorfor mon? Det undersøger vores kollega Arnajaraq. Arnajaraq interviewer i den forbindelse IMAK-s formand Elna T. Heilmann samt Jakunguak Skade som er tæt på pension.
Aallakaatitassiortoq / Tilrettelægger: Arnajaraq Joelsen
Speak: Pia G. Frederiksen & Arnannguaq Gerstrøm
Peqataasut / Medvirkende: Elna T. Heilmann aamma Jakunguak Skade
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke.
Aaqqissuunneqarpoq / Redigeret: Ukioq 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.