INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#91 Suliffeqarfinnik nittarsaassineq / Karrieremesse
INUNA Podcast-ip suliffeqarfinnik nittarsaassinissamut aaqqissuussaq Den grønlandske Karrieremesse 2024 alakkarpaa / Inuna Podcast besøger arrangementet Den grønlandske Karrieremesse 2024
Aaqqissuussami Kalaallit Nunaanni suliffeqarfiit assigiinngitsut suliffissaatiminnik suliaminnillu ilinniartunut, nunatsinni sulerusuttunut imaluunniit soqutiginnittunut allanut paasissutissiillutik pilerinarsaallutilluk saqqummiussipput.
Nittarsaassisut saniatigut aamma ilaapput ilinniartunut ikiuutissanik assigiinngitsunik nittarsaassisut.
Immikkoortumi uani nittarsaassisut saqqummiussisullu ilaat aaqqissuussami suut misigineqarsinnaasut pissarsiaqaataasinnaasullu suuneri pillugit oqaloqatigaagut.
I arrangementet præsenterer diverse grønlandske virksomheder deres jobmuligheder og arbejde for studerende, enkeltpersoner med interesse i at arbejde i Grønland samt andre interesserede. Formålet er at informere og gøre det spændende.
Udover disse udstillinger er der også repræsentanter, der bl.a informerer om forskellige støtteordninger for studerende.
I denne episode tager vi fat i repræsentanter fra nogle af virksomhederne, der deltager i messen, og taler med dem om hvad man kan få ud af at deltage.
Aallakaatitassiortoq / Tilrettelægger: Arnajaraq Joelsen
Speak: Kristian Mølgaard & Arnannguaq Gerstrøm
Peqataasut / Medvirkende: Karl Peter Olsen Motzfeldt, Ivaana S. Knudsen, Ivi Lyberth Josefsen, Tanja Knudsen, Naya Fleischer Ingemann, Petra Noahsen, Stina Sværd, Karen Kure, Hannah Olsen, Christine Tønnesen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kandasamy.
Aaqqissuunneqarpoq / Redigeret: Marts 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.