INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#95 Tarfiinnartoorusunnginnama / Jeg vil ikke bare drive den af
Jonna aamma Niels Ado Fontain peqqissutsimikkut pitsaanerusunik periarfissaqarnerujumallutik Danmarkimut nuussimapput. Tungaanut susoqarsimanera, nuukkamik suut aqqusaarsimaneri qanorlu ittumik najugaqarsimanertik oqaluttuaraat.
Utoqqaliartornermi allannguutaasut ilaat aammalu massakkut inuunerminni qanoq atugaqarnertik iserfigaat meeraagallaramillu immikkut Danmarkimeeqqaannerminni eqqaamasalikkersaarlutik.
Jonna og Niels Ado Fontain har valgt at bosætte sig i Danmark med henblik på at få bedre sundhedsmæssige muligheder. I deres beretning deler de årsagerne bag deres beslutning om at flytte, deres oplevelser efter ankomsten og deres boligsituation. Desuden reflekterer de over de ændringer, de har oplevet som følge af alderen, samt hvordan de lever i dag. De deler også personlige erindringer om deres første oplevelser i Danmark som børn.
Aallakaatissiami uani suleqataasut tassaapput:
Aallakaatitassiortoq: Arnanguak Lyberh
Peqataasut: Jonna aamma Niels Ado Fontain
Nipilersukkat nipillu / Musik og lydunivers: Arnannguaq Gerstrøm om Petra Banke
Nipilerisoq/Lyd: Krishna Kandasamy
Siullermik aallakaatinneqarpoq: Ukioq 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.