INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#100 Perorsaanermi inuunermi oqaluttuat / Livshistorier i opvækst
Immikkoortumi uani perorsagaanerup inuttut ilusilersuisarnera sammissavarput / I denne episode dykker vi ned i det fascinerende emne om, hvordan vores opdragelse former os som mennesker.
Dora, Givemi najugalik, immikkoortumi uani kaffisorujuutaa eqqarsaatai misilittagaalu pillugit oqaloqatigissallugu peqatiserisimavarput. Angajoqqaaminiinnaanngitsoq, aammami aanakkuminit perorsagaasimanini eqqartorpai. Taakku aallaavigalugit pisimasut suut immikuullarissutit eqqaamanerai aamma oqaluttuartipparput.
Dora unneqqarilluni meeraanermiit inersimasunngoriartornermut aqqusaarsimasani pissutsit eqqartussallugit annernarsinnaasut aamma oqaluttuarai. Ullumikkut inuunerminut nuannersumut alloriaatigisimanini pingaaruteqartut nassuiarpai. Dorap inuttut ineriartornermini perorsarneqarsimanermi aammalu perorsaasumi oqaluttuassartaasa pingaaruteqassusaat kiisalu inersimasunngornissap aqquserngani alloriarnerit siullernit ullumikkumut kinaaneranut ilusilersuisut pillugit oqaluttuarai.
Vi har inviteret Dora, der bor i Give, til at dele hendes tanker og erfaringer over en hyggelig kop kaffe. Hun reflekterer ikke kun over den opdragelse, hun modtog fra sine forældre, men også den indflydelse, hendes bedsteforældre havde på hende. Vi udforsker sammen med hende, hvilke særlige øjeblikke der har gjort det dybeste indtryk på hende.
Dora deler også åbent om den udfordrende tid, hun gennemgik i overgangen fra barn til voksen. Hun beskriver de forskellige veje, hun har betrådt for at nå til det punkt, hvor hun i dag nyder livet i fulde drag. Fra de første skridt på voksenlivets sti til de betydningsfulde øjeblikke, der har formet hendes nuværende tilværelse, giver Dora os et indblik i, hvordan hendes opdragelse og de personer, der har formet hendes historie, har været afgørende for hendes personlige udvikling og livsvej.
Aallakaatitassiortoq: Arnanguak Lyberth
Peqataasoq: Dora Buch-Dolby
Speak: Arnannguaq Gerstrøm
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq upernaaq 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.