INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#108 Peqqissuseq
Upernaaq manna suleqatigiiulluta ataatsimoornitsinni peqqissuseq eqqartorparput / Dette forår drøftede vi i teamet sundhed i forbindelse med vores workshop
Immikkoortumi uani suleqatigiit aallakaatitassiortartut workshoppeqarnerput iluatsillugu peqqissuseq isummersorfigaarput eqqartueqatigiilluta.
Eqqartukkagut soqutiginarluinnarput, ilaatigut timikkut, tarnikkut eqqarsartaatsikkullu aamma peqqissuseq iserfigalutigit.
Ersinngitsumik nappaateqarneq iserfigillatsiarparput aammalu siunissami eqqartorneqarsinnaasut isummersorfigalutigit.
I dette afsnit af vores podcast kan du høre drøftelsen af Sundhed i forbindelse med redaktionens workshop.
De drøftede emner er interessante, hvor vi blandt andet drøfter om fysiske, psykiske og mentale sundhed.
Vi kommer lidt ind på de skjulte lidelser og drøftede om hvilke emner vi blandt andet kan snakke om i afsnittet Sundhed i fremtiden.
Aallakaatitassiortoq: Sara Fredsbo
Studiameeqataasut: Mia Skifte Lynge & Pia G Frederiksen
Speak: Arnannguaq Gerstrøm & Sara Fredsbo
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq 7. Maj 2024