INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#107 Akisussaaffimmik tigusiaarneq / At tage ansvar tidligt i livet
Danmarkimi kalaallit peqatigiivisa kattuffianni siulittaasoq oqaloqatigaarput / Vi taler med formanden for de grønlandske foreninger i Danmark
Immikkoortumi uani immikkoortuni marluusuni siullermi Camilla Siezingi ilisaritissavarput. Camilla arnaavoq immikkuullarissoq Danmarkimi kalaallinut aaqqissuussinermi tikilluaqqusisuusartoq. Taamaaliortarporlu kalaallit peqatigiiffiisa kattuffianni siulittaasuugami
Uani Camillap inuunini pillugu oqaluttuartoq tusarnaassavarput. Meeraagallarami sumiiffiit najortarsimasani pillugit taakkunaniillu nunarsuarmi isiginnittariaatsimi ineriartortissimanini pillugit oqaluttuarpoq. Taakku saniatigut ulluinnaa sumi imaqarnersoq, suliaqarnermilu nukissani suminngaanniit pisarnerlugu nassuiaavoq.
Taamaammat ingilluartitaariarlusi Camilla Siezingip oqaluttuassartaa tusarnaariannguarniarsiuk, arnaq kalaallinik Danmarkimi najugalinni sullisserusussusilik.
I dette første afsnit af to dykker vi ned i livet og virke af Camilla Siezing. Camilla er en bemærkelsesværdig kvinde, der byder velkommen ved arrangementer for grønlændere i Danmark. Hendes engagement i dette kommer af hendes rolle som forkvinde for sammenslutningen af grønlandske foreninger.
Vi tager dig med på en rejse gennem Camillas liv og oplevelser. Hun deler historier om de steder, hvor hun tilbragte sin barndom og ungdom, og hvordan disse erfaringer har formet hendes syn på verden. Derudover giver hun et indblik i, hvad hendes hverdag indebærer, og hvor hun finder styrke og inspiration til at fortsætte sit arbejde.
Så slå lyttelapperne ud og lad os udforske historien bag Camilla Siezing, en kvinde med en passion for at samle og støtte grønlandske fællesskaber i Danmark.
Immikkoortoq una immikkoortut marluusuni siulliuvoq.
Aallakaatitassiortoq: Arnanguak Lyberth
Studiameeqataasoq: Kristian Mølgaard
Peqataasoq: Camilla Siezing
Speak: Pia G. Frederiksen Arnannguaq Gerstrøm
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq upernaaq 2024