INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#109 Piumassuseqaraanni suut tamarmik anguneqarsinnaapput / Hvor der er vilje er der vej
Danmarkimi kalaallit peqatigiivisa kattuffianni siulittaasup oqaloqatiginera ingerlateqqipparput / Vi taler fortsat med formanden for de grønlandske foreninger i Danmark
Immikkoortoq 107-imi Camilla Siezing oqaloqatiginerata nanginnera uani tusarnaarneqarsinnaavoq. Qaanaami meeraaginnarani aamma tassani ilinniarnerminut atatillugu misissuiartorluni angalasarfigisimavaa.
Danmarkimut nuunnermi kingorna Camillap suliarisarsimasai aammalu suliaqarusussuseqarnini pillugu aamma oqaluttuarpoq. Camillap inuussutissarsiortutut aallartisaasutullu misilittagalikkersaarnera soqutiginaateqarluartoq pillugu oqaluttuarnera tusarnaarsinnaavat.
Denne episode fortsætter historien fra episode 107, hvor vi dykker ned i samtalen med Camilla Siezing. Hun deler ikke blot erindringer fra sin barndom i Qaanaaq, men reflekterer også over sin forskning under studierne. Desuden deler Camilla sine arbejdserfaringer efter familiens flytning til Danmark, hvilket giver os et indblik i hendes rolle som både erhvervskvinde og iværksætter. Det er en yderst spændende historie, som vi nu får mulighed for at udforske.
Immikkoortoq una immikkoortut marluusuni kingulliuvoq.
Aallakaatitassiortoq: Arnanguak Lyberth
Studiameeqataasoq: Kristian Mølgaard
Peqataasoq: Camilla Siezing
Speak: Pia G. Frederiksen Arnannguaq Gerstrøm
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq upernaaq 2024