INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#16 Erinarsornermik unammineq Tusariarlinngooq 2023 / Sangkonkurrencen Tusariarlinngooq 2023
Immikkoortumi matumani erinarsornermik unammineq Tusariarlinngooq 2023 INUNA-p malinnaaffigigaa tusarnaarsinnaavarsi.
Ukioq manna erinarsornermik unammineq nuannaarsaqatigiinnerlu Brædstrup-imi ullaap tungaaniit unnuk ilanngullugu katerisimaarfiuvoq.
Erinarsorluni unamminermut peqataasut, tusarnaariat, tuniniaasut, aaqqissuussami suleqataasut apersorpagut, ilaatigullu erinnat atorneqartut tigulaariffigineqarneri tusagaqarfiumaarlusigit.
I denne episode kan I lytte til sangkonkurrencen Tusariarlinngooq 2023, hvor INUNA er til stede under arrangementet. I år bliver konkurrencen og festen afholdt i Brædstrup i ren forsamlings stemning, fra formiddag til aften.
Vi interviewer konkurrence deltagerne, publikum, bod sælgerne og folk bag arrangementet.
Så kan I også høre lydklip af sangene, der bliver sunget på selve dagen.
Ilisarititsisut / Værter: Connie Kristoffersen & Arnannguaq Gerstrøm
Speak: Arnánguak Skifte Lynge & Sara Fredsbo.
Erinniat aamma nipit / Musik og lyd: Arnannguaq Gerstrøm, Petra Banke
Nipinik katiterisoq / Lydredigering: Krishna Kandasamy
Aaqqissuunneqarpoq / Redigeret: 20. april 2023