INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
# 18 Kalaallit Illuanni pisortaaninngorlaaq Anna Lynge / Ny direktør for Det Grønlandske Hus Anna Lynge
Ullumikkut INUNA podcast Aalborg-imi immiussamik saqqummiissaaq. Tamatumuuna Kalaallit Illuanni pisortaaninngorlaaq Anna Lynge suliffianut pulaarlugu immiupparput. Anna-p Danmark-imut nuunngikkallarami Nuummiit Uummannamut nooriataarnini qanoq pisimanersoq oqaluttuaraa, aamma panissaaqqammerluni sumut angerlarniarnera tusagaqarfigisinnaavarsi, maannalu pisortaanertut atorfigiligaata tungaanut aqqutaata oqaluttuassartaa tusarnaarsinnaavarsi.
Dagens episode af INUNA podcast er optaget i Aalborg. Denne gang besøgte vi den nye direktør for Det Grønlandske Hus i Aalborg på hendes arbejdsplads. Anna fortæller om, hvordan hun pludselig flyttede fra Nuuk til Uummannaq, før hun flyttede til Danmark, og hvor hun ville flytte hen, lige efter hendes datters fødsel. Til slut hører vi også Anna Lynges karrierevej til hendes nye job som direktør.
Ilisarititsisoq/ Vært: Arnánguak Skifte Lynge
Speak: Connie Kristoffersen
Erinniat aamma nipit / Musik og lyd: Arnannguaq Gerstrøm, Petra Banke
Nipinik katiterisoq / Lydredigering: Krishna Kandasamy
Aaqqissuunneqarpoq / Redigeret: 27. april 2023