INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#57 Aputisunni / Duften af sne

October 10, 2023 • INUNA • Season 2 • Episode 57

#57 Aputisunni / Duften af sne

Aallakaatitami uani Linda Århusimut angerlarsimaffiuanut pulaarparput. Linda nakorsatut ilinniagaqarpoq. Eqqartukkat assigiinngeqaat, ilaatigut Lindap meeraanera, kalaallisut oqaatsit pillugit aammalu kalaallit nunasiaataasimanerisa kinguneri pillugit isummersornera tusarnaarneqarsinnaavoq. Lindap kalaalliulluni nakorsatut sulinera aammalu qanga siulitta anersaamut tunngasunik eqqarsartariaasiat aallaavigalugu ineriartorsimanera pillugu eqqartuinera aamma tusarnaarneqarsinnaavoq.

I dette afsnit besøger vi Linda i hendes hjem i Århus. Linda er uddannet som læge. Vi kommer ind på flere emner, bl.a. om hendes barndom, det grønlandske sprog og om følgerne af at have været et koloniseret land. Linda taler også om arbejdet som grønlandsk læge og om hendes udvikling, der tager afsæt i vores forfædres måde at tænke på.

Aallakaatitassiortoq / Tilrettelægger: Arnanguak Lyberth
Speak: Sara Lynge Fredsbo aamma Arnannguaq Gerstrøm
Peqataasoq / Medvirkende: Linda Munch
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke.
Aaqqissuunneqarpoq / Redigeret oktober 2023

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.