INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#78 Apersortakkatta juullerpalaavi / Medvirkendes jul
Ukiap ingerlanerani INUNA Podcastimi oqaloqatigisartakkatta ilaat juullimut pilersaarutaannik, meeraannerminnilu juullimut eqqaamasaannik aamma apersulaartarpavut.
Nunarput qimallugu, ilaquttavut qimallugit juulli qanormita isikkoqartarpa?
Ileqqut suummita oqaloqatitta ilaatigut namminneq ilaquttaminnut ingerlateqqippaat.
Tamakkua immikkoortumi juullerpalaartumi tusarnaarsinnaavatit :)
I løbet af efteråret har vi snakket med vores medvirkende i INUNA Podcast om deres juleplaner, og juleminder fra deres barndom.
Hvordan er det mon at holde jul væk fra vores land, og væk fra ens familie?
Hvilke traditioner har vores medvirkende bl.a. videreført til deres egne familier.
Det kan du høre om i denne dejlige juleafsnit 🙂
Aallakaatissiami uani suleqataasut tassaapput:
Aallakaatitassiortoq katiterisorlu / Redaktør og tilrettelægger: Mia Skifte Lynge
Speak: Arnánguak Lyberth aamma Arnannguaq Gerstrøm
Peqataasut / Medvirkende: Rona Storch, Petrine Storr, Amalie Wilson, Ivinnguaq Brandt, Rosa Olsen, Laila Berthelsen aamma Stavangerimi kalaallit naapitatta ilaat / og andre grønlændere, vi mødte i Stavanger.
Erinniat aamma nipit / Musik og lyd: Arnannguaq Gerstrøm aamma Petra Banke
Nipigissaasoq / Lydredigering: Petra Banke.
Aaqqissuunneqarpoq / Redigeret: December 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium