INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#79 INUNA-mi ilanngutassiortut juullimi inuulluaqqussutaat / Værternes jul
INUNA podcastimit tusarnaartartugut juullimi pilluaqqorusuppagut. Taamaammat uani immikkoortumi ilanngutassiortut qanoq juullisiortarnerat tusarnaarsinnaavarsi. Ilanngutassiortuusugut Danmarkimi avissaaqqalluta najugaqarpugut, INUNA podcast-ili ataatimoorfigaarput. Soorlu kalaallit Danmarkimi najugaqartuusugut INUNA katersuuttarfigigipput- aamma juulli katersuuttarfigisarparput. Igalaani ullorissat ikiteraangatta kalaaleqatigut eqqaasarpagut- kissalaarnerlu misigisarparput. Maani INUNA podcastimiit juullimi pilluaqquatsigit, neriullutalu eqqissineq atorlugu juulli naalluarumaarissi
I denne episode vil INUNA podcasts værter ønske god jul til sine lyttere. I dag kan i høre hvordan INUNA’s værter holder jul. Værternes bor spredt rundt i Danmark, men vi har INUNA som et fælles sted, hvor vi kan være sammen, og det ønsker vi det samme for jer. I vore landsmænds vinduer er julelyset tændt. Og når vi ser julelyset tændt, mærker vi hinandens varme og hjerter. Vi ønsker jer en rogtog god jul, og håber i alle sammen den fred, julen giver os
Aallakaatitassiortoq / Tilrettelægger: Arnajaraq Joelsen
Speak: Arnajaraq Joelsen & Arnannguaq Gerstrøm
Peqataasoq / Medvirkende: Mia S. Lynge, Nive Nielsen, Kristian Mølgaard, Pia G. Frederiksen og Arnajaraq Joelsen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke.
Aaqqissuunneqarpoq / Redigeret: 21. december 2023