INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#83 Kunngikkormiut Kalaallillu Nunaat, imm. 2 / Grønland og de kongelige
Kunngikkormiut Kalaallit Nunaatalu akornanni atassuteqarneq pillugu ilisimatusarsimasoq oqaluttuarluni nangippoq / En forsker fortæller videre om relationen mellem De Kongelige og Grønland
Immikkoortumi siuliani Evi Kreutzmannip kunngikkormiut Kalaallillu Nunaata atassuteqarnerat pillugu oqaluttuarnerata nanginneraa.
Sooq kunngikkormiut Kalaallit Nunaannut tikikkaangata kalaallinit taamarsuaq tikilluaqqusaatigisarnersut illuatungaatigullu Danmarkimiit tikittartut taamak iluarineqanngittartigisut paaserusunneri aallaavigalugit Evi misissuilersimavoq.
Evip misissuinermini ilaatigut najoqqutarisartagarisarsimasai ukuupput
www.timarit.is/
aamma
www.arktiskinstitut.dk/arkiverne/fotosamling
Dette afsnit er en fortsættelse af forrige epidsode, hvor Evi Kreutzmann fortæller omkring forholdet mellem Grønland og de kongelige.
En af de spørgsmål hun var nysgerrig på at få svar på var, hvordan det kunne være at de kongelige altid er meget velkomne i Grønland, mens andre danskeres ankomstikke altid var ligeså velanset.
Evi har bl. a brugt følgende kilder i sin forskning:
www.timarit.is/
aamma
www.arktiskinstitut.dk/arkiverne/fotosamling
Aallakaatitassiortoq / Tilrettelægger: Arnanguak Lyberth
Speak: Arnajaraq Joelsen & Arnannguaq Gerstrøm
Peqataasut / Medvirkende: Evi Kreutzmann, Mia Skifte Lyge & Arnanguak Lyberth
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Petra Banke.
Aaqqissuunneqarpoq / Redigeret: Februar 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.