#85 Spiralilersortissimanerup kinguneri / Konsekvenserne af spiralsagen Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#85 Spiralilersortissimanerup kinguneri / Konsekvenserne af spiralsagen

February 15, 2024

Naja Lyberth, arnat niviarsiaqqallu nammineerlutik piumasarinngisaminnik spiralilersortissimanerat pillugu oqaluttuartipparput
Kalaallit niviarsiaqqat arnallu ukiut 50-60-it matuma siorna piumassuserinngisamik naartunaveersaammik spiralilersortissimanerup kinguneri uani aallakaatitassiami INUNA podcast-ip sammissavaa. Immikkoortumi uani suleqatitta Arnajaqqap Naja Nuummi suliffianut pulaarpaa. Pulaarneranilu suliap aallartisarnera, ingerlarnga aammalu Najap nammineq imminut sunniutai oqaluttuarissavai.

Naja Lyberth fortæller om sagen omkring de kvinder og piger, der ufrivilligt fik sat spiral op
I denne episode besøger INUNA podcasts Naja Lyberth i hendes praksis i Nuuk. I 1960-70’erne fik grønlandske unge piger og kvinder opsat spiraler uden deres samtykke og nogle gange uden vidende. Naja fortæller om starten af sagen, der kaldes for ”spiralsagen” og hvilke konsekvenser det har haft for hende.

Aallakaatitassiortoq / Tilrettelægger: Arnajaraq Joelsen
Speak: Mia Skifte Lynge & Arnannguaq Gerstrøm
Peqataasoq / Medvirkende: Naja Lyberth
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kandasamy.
Aaqqissuunneqarpoq / Redigeret: Februar 2024

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, er en del af Nordisk Teaterlaboratorium.