INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#99 Anniaat nukigalugu / Med smerten som drivkraft
Jessie Kleemann eqqumiitsuliornermini timini atorlugulu puigunaatsumik takutitsisartuuvoq aammali tigussaasunik takutitassiortuusarluni / Jessie Kleemann er en grønlandsk verdensanerkendt kunstner, som har været aktiv i flere årtier
Jessie 2023-2024-imi Statens Museum for Kunst-imi immikkut eqqumiitsuliaanik Danmarkimi katersugaasivinni siullerpaamik saqqummersitsisinneqarpoq.
Jessiep eqqumiitsuliamini arlalippassuarni ullutsinni pisut toqqammavigalugit takutitassiortarpoq. Eqqumiitsuliai aalassatsitsisinnaasuusarput oqallitsitsinermillu aallartissutaasinnaasarlutik. Oqaatigineqarsinnaavoq anniaat nukigalugu pinngorartitsisuusoq, inuiaqatigiinni tamatta anniaatigisartakkagut tunngavigalugit pinngortitsisarami. Ullutsinni pisut tassaasinnaapput kinaassusermik apeqqusersuineq, kalaallit qallunaallu imminni inissisimanerat aamma silaannaap kissakkiartornera.
Jessie er kendt for blandt andet sin performance art og kunstopstillinger og i 2023-2024 havde hun en soloudstilling i Statens Museum for Kunst. Hendes kunst kan virke provokerende og man samtidig skabe diskussioner af samfundsaktuelle emner, såsom identitet, forholdet mellem Danmark og Grønland og klimaet. Man kan sige at hendes kunst har smerten som kraft – den smerte der rammer os som samfund.
Aallakaatitassiortoq: Arnajaraq Joelsen
Peqataasoq: Jessie Kleemann
Speak: Kristian Mølgaard aamma Arnannguaq Gerstrøm
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Petra Banke
Siullermik aallakaatinneqarpoq upernaaq 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.