INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#102 Suiaassuseq kinaassuserlu / Seksualitet og identitet
2LGTQIA+
Inuiaqatigiinni inuttut allaanerussuteqarneq pillugu oqariariartuutit naliginnaasutut ileraluttuinnarput. Akuerineqariartortutullu illutik.
Siornatigut naliginnaanerusumik atoqatiginneriaaseq eqqartorneqartillugu arnaqatiminoortoq anguteqatiminoortorlu naliginnaasimapput atussallugit. Suiaassusermullu attuumassuteqartinneqartarlutik. Ullutsinnili atoqatigeeriaatsimut, suiaassusermut kinaassutsimullu nassuiaatigineqartartut allaanerulersimapput. Taakkulu aamma immikkoortinneqartalerlutik. Atoqatigeeriaasermi kinaassutsimut suiaassutsimullu ataqqissaartariaqanngilaq. Atoqatigeeriaatsimut, suiaassutsimut kinaassutsimullu 2LGBTQIA+ nassuiaatitut atorneqartarpoq. Uani immikkoortumi 2GBTQIA+ -p imarisai qanoq isumaqarnersut aamma immikkoortinnissaat sooq pingaaruteqarnersut Michael Bro, Uiloq Ingemann-Jeremiassen aammalu Karl-Kristian Svenbæk peqatigalugit eqqartussavagut.
2LGBTQIA+
Diversiteten i vores samfund udfolder sig i stadig flere farver, og det er bemærkelsesværdigt, hvor positivt det bliver modtaget.
Et særligt område, hvor denne diversitet trives, er inden for seksualitet og identitet. Begreber som 2LGBTQIA+ giver os et sprog til at beskrive denne mangfoldighed og vores egen identitet og seksualitet.
Aallakaatitassiortoq: Arnajaraq Joelsen
Peqataasut: Uiloq Ingemann-Jeremiassen, Michael Bro aamma Karl- Kristian Svenbæk
Speak: Nive Nielsen aamma Arnannguaq Gerstrøm
Erinniat aamma nipit: Petra Banke aamma Arnannguaq Gerstrm
Nipinik katiterisoq: Krishna Kandasamy
Siullermik aallakaatinneqarpoq ukioq 2024