INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#106 INUNA Podcastimi suleqatigiit / INUNA Podcast teamet
INUNA-mi aallakaatitassiortartut naapisimaarlutik sammerujoornerat / INUNA teamet holder komsammen
Uani aallakaatitassiami INUNA-mi aallakaatitassiortut imminnut ilikkarnerorusullutik immiusserujuujutaa oqaloqatigiittut tusarnaarsinnaavasi. April 2024 aallartinnerani suleqatigiit aatsaavissuaq tamakkerlutik INUNA-p allaffeqarfiani Nordisk Teater Laboratoriummimi Holstebro-miittumi suliutigalutik naapisimaarput. Qiimaqalutik apeqqutinik akisassaminnik makitseqattaarujoorlutik, inuunermi naleqartitat, angalarusuffigisat kultoori allallu pillugit eqqartuisut tusarnaarsinnaavasi.
Tusarnaarluarisi
I denne episode inviteres I til at lytte til INUNA-teamet, der nyder hinandens selskab og diskuterer emner som livets værdier, rejsemål og kulturelle forskelle. Optagelsen fandt sted, mens holdet var samlet på INUNA's hovedkvarter i Nordisk Teater Laboratorium i Holstebro i begyndelsen af april 2024.
God lytning
Aallakaatitassiortoq / Tilrettelægger: Arnajaraq Joelsen
Peqataasut / Medvirkende: Arnanguak Lyberth, Kristian Mølgaard, Mia Skifte Lynge, Nive Nielsen, Sara Fredsbo, Pia G. Frederiksen aamma Arnajaraq Joelsen
Speak: Arnajaraq Joelsen, Arnannguaq Gerstrøm
Erinniat aamma nipit: Petra Banke aamma Arnannguaq Gerstrm
Nipinik katiterisoq: Krishna Kandasamy
Siullermik aallakaatinneqarpoq ukioq 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.