#118 Issittumi Annaassiniartartut / Arkitske reddere Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#118 Issittumi Annaassiniartartut / Arkitske reddere

June 11, 2024 • INUNA • Season 3 • Episode 118

Issittumi annaassiniartartut ilaat oqaloqatigaarput / Vi taler med en af de arktiske reddere

Upernaakkut maajimi ukioq 2024, DR TV-ikkut aallakaatitassiaq “De Arktiske Reddere” aallakaatinneqaqqaarpoq. Isiginnaagassiami kalaallit annaassiniartartut arfineq pingasuusut sulinerani pissanganarluinnartumik malinnaavigineqarput. Isiginnaagassiap aallarteqqaarneranni ilaatigut takuarput angut umiatsiaminik ajutoorsimalluni helikopterimik aaneqartoq, annaassiniartartullu ilaata helikopterimiit ninginneqarluni angut aqqunarsimasoq aagaa. Tamannalumi aamma uagut isiginnaarnikuuarput. Uanilu aallakaatitassiami annaassiniartartut ilaat Paw Hjortstrøm nuannaartoringaarlutigu suliffianut sivikitsunnguamik pulaalaarparput.

I maj måned 2024 er der premiere på DR TV's dokumentarserie, "De Arktiske Reddere". Serien følger otte grønlandske hoist operatører og giver et unikt indblik i deres spændingsfyldte hverdag. I starten af serien oplever vi blandt andet en dramatisk redningsaktion, hvor en mand bliver hentet af en helikopter efter at være forulykket i sin båd. Vi ser ham blive hejst op i helikopteren, tydeligt medtaget af ulykken. I denne podcast episode snakker vi med en af redderne fra programmet, Paw Hjortstrøm, og får et kort indblik i hans arbejde og de udfordringer, han møder i sit daglige liv som redder i det arktiske miljø.

Aallakaatitassiortut: Arnanguak Lyberth aamma Arnajaraq Joelsen
Peqataasoq: Paw Hjortstrøm
Speak: Arnanguak Lyberth/Kristian Mølgaard aamma Arnannguaq Gerstrøm
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq upernaaq 2024

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, er en del af Nordisk Teaterlaboratorium.