INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#122 Kina tunniutiinnarniarmat imm. 1 / Ingen forhindring stopper mig del 1
Annaasaqarsimalluni peroriartorneq- Opvækst påvirket af stort tab
Ukioq 2000 missaani meeraanikuusut immaqa tamarmik nipilersoqatigiit Nivissat Paamiuneersut atugaasa ilaat tusarnikuusimassavaat. Nipilersoqatigiit immikkuullarissumik nipillit Kalaallit Nunaanni nipilersortartununi nuannarineqarluartuupput. Taakkua ilagaat Maren Louise Poulsen Kristensen ullumikkut ilisaritissavarput. Maren Louise, ulluinnarni Marlo-mik taaneqartartoq, arnaavoq suli inuusukkaluaqaluni angusarpassuaqartoq.
Maren-Louise Nivissamiinnini kisiat ilisimaneqassutiginngilaa, aammali inuunermini suliaqarnermilu aqqusaartakkani ilisimaneqassutigalugit. Inuusuttuaraalluni nipilersortartutut ilisimaneqarnerminiit sulinermini misilittakkaminik ilisimasaminillu oqaluttuarpoq. Suminngaanniit nipilersortalersimanini, inuttut ineriartorsimanini qanorlu ililluni inuunermi aqqusaakkani atorsimanerai paasiniaavigaarput.
Immikkoortoq una immikkoortut marluusuni siulliuvoq.
Hvis man er opvokset i de tidlige 2000’ere, kender man sandsynligvis bandet Nivissat fra Paamiut. Bandet var kendt for deres unikke lyd og bidrog væsentligt til den grønlandske musikscene. Et af de fremtrædende bandmedlemmer var Maren-Louise Poulsen Kristensen, også kaldt Marlo. I denne episode får vi en dybere præsentation af Maren-Louise, hendes rejse og hvordan hun har udviklet sig gennem årene.
Maren-Louise er ikke kun kendt for sin tid i Nivissat, men også for de mange milepæle, hun har opnået både i sit privatliv og i sin karriere. Fra hendes tidlige år som musiker til hendes nuværende rolle som en indflydelsesrig person i samfundet, deler hun sine erfaringer og indsigter. Vi dykker ned i hendes musikalske arv, hendes personlige udvikling, og hvordan hun har navigeret livets udfordringer og triumfer.
Denne episode er den første af to afsnit.
Aallakaatitassiortoq / Tilrettelægger: Arnajaraq Joelsen
Speak: Arnanguak Lyberth & Arnannguaq Gerstrøm
Peqataasoq / Medvirkende: Maren Louise Poulsen Kristensen
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq aasaq 2024
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.