#135 Aasiveeqqamut akuuneq imm.1 / Deltagelse i Aasiveeraq del 1 Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#135 Aasiveeqqamut akuuneq imm.1 / Deltagelse i Aasiveeraq del 1

September 10, 2024 • INUNA • Season 4 • Episode 135

INUNA Herningimiippoq / INUNA i Herning

Ukiut 30 kingulliit Herningimi “Aasiveeraq” ingerlanneqartarpoq. Aasiveeraq nunatsinni Aasivimmut 80-ikkunni ingerlanneqartarsimasumut assinguvoq. Uani immikkoortumi INUNA-p aaqqissuussami akuunerat tusarfigisinnaavarsi, malunnarporlu ilaasut puigunaatsumik misigisaqarsimasut.

Hvert år, gennem 30 år, bliver arrangementet ”Aasiveeraq” afholdt i Herning. Aasiveeraq er inspireret af ”Aasivik”, som er et arrangement som blev afholdt i Grønland i 80-erne. I denne episode kan i lytte til INUNA´s deltagelse i arrangementet, og som det kan høres, har deltagerne haft en uforglemmelig oplevelse, hvor det særlige ”grønlandske” sammenhold har været tilstede.

Aallakaatitassiortut: Arnajaraq Joelsen aamma Sara Lynge Fredsbo
Aaqqissuussisoq: Arnajaraq Joelsen
Peqataasut/deltagere: Sina, Karl Lorentzen, Julie Lorentzen, Else Loretzen, Methe Møller Aasiveeqqamilu ilaasut allat
Speak: Arnangiak Lyberth aamma Arnannguaq Gerstrøm
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Petra Banke
Siullermik aallakaatinneqarpoq september 2024