#136 Aasiveeqqamut akuuneq imm.2 / Deltagelse til Aasiveeraq del 2 Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#136 Aasiveeqqamut akuuneq imm.2 / Deltagelse til Aasiveeraq del 2

September 12, 2024 • INUNA • Season 4 • Episode 136

Immikkoortumi kingullermi Danmarkimi Aasiveeqqamut INUNA peqataavoq. Ullumikkut immikkoortoq pisut nanginnerivaat. Ullumikkut nunatsinni ukiorpaaluit matuma siorna Aasiveqartarallarmat peqataasarsumasut Herningimi peqataasut, eqqaamasalikkersaarlutik oqaluttuartut tusarfigissavagut. Eqqaamasalikkersaartut saniatigut Guuli and the McIntosh band appisimaartoq palasilu Marianne Lynge Krog oqaluussisoq tusarneqarsinnaapput.

Hvert år, gennem 30 år, bliver arrangementet ”Aasiveeraq” afholdt i Herning. Aasiveeraq er inspireret af ”Aasivik”, som er et arrangement som blev afholdt i Grønland i 80-erne. I denne episode kan i lytte til anden del ud af 3 episoder. I dag handler det om erindringer fra Grønlands Aasivik. Derudover er der musik fra Guuli and the McIntosh band og andagt fra den grønlandske præst i Danmark Marianne Lynge Krog.

Aallakaatitassiortut: Arnajaraq Joelsen aamma Sara Lynge Fredsbo
Ataqatigiissaarisoq: Arnajaraq Joelsen
Ilaasut: Niels “Guuli” Egede Høegh, Kaj Rosing-Carlsen, Tola Rosing-Carlsen, Trudy Høy Kreutzmann, Kiistat Høegh, Niels “Guuli” Egede Høegh, palasi Marianne Lynge Krog, Angutimmarik Rosing- Carlsen allallu Aasiveeqqami ilaasut
Speak: Arnanguak Lyberth aamma Arnannguaq Gerstrøm
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Petra Banke
Siullermik aallakaatinneqarpoq september 2024

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, er en del af Nordisk Teaterlaboratorium.