INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#145 Meeraassutsip pingaartinnera / Det indre barn
Inuunermi pinnguarnerup pingaassusaa allallu pillugit oqaloqatigiinneq / En samtale om bl. a. vigtigheden af at huske legen i sit liv
Rita Falck Petersen, Qasigiannguani Narsamilu kingoqqiffeeqartoq, Aalborgimi najugalik, immikkoortumi uani INUNA Podcastip pulaarpaa.
Rita Aalborgimi kalaallit illuutaanni atorfineqqammerpoq. Tamanna pillugu, aammalu suna tunuliaqutiginerlugu kinaaninilu oqaluttuarai. Aammali inuttut qanoq ittuunini suullu ulluinnarni eqqaamaniartarnerlugit oqaluttuarpoq.
Rita assut qiimalluni uummammioqarluarlunilu oqaluttuarnera tusarnaarluarisiuk.
I denne episode af INUNA podcast møder vi Rita Falck Petersen, som bor i Aalborg og har dybe rødder i Qasigiannguit og Narsaq i Grønland. Rita er netop startet med at arbejde i Det Grønlandske Hus i Aalborg, og hun deler åbent sin personlige baggrund og rejse. Gennem samtalen får vi et indblik i, hvem hun er som menneske, og hvad der driver hende. Rita reflekterer også over de værdier, hun holder fast i hver dag. Lyt med, når Rita fortæller om sine oplevelser og det, hun forsøger at huske i sit liv.
Aallakaatitassiortut: Arnanguak Lyberth
Peqataasut: Sara Fredsbo & Rita Falck-Petersen
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq Oktoberimi 2024-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.