INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#146 Sianiuteqarfiup timimut sunniutigisartagai / Nervesystemets betydning for kroppen
INUNAp Rita Falck-Petersen sianiuteqarfiup timimut sunniutigisartagai pillugit oqaluttuartippaa / INUNA får Rita Falck-Petersen til at fortælle om nervesystemets betydning for kroppen
Immikkoortumi kingullermi RIta inuttut ilisarisimanerulerparput. Immikkoortumi uani alloriaqqilluta sianiuteqarfik aallaavigalugu suliaqartarnera pillugu tusarfigissavarput. Siatiunteqarfitta timitsinnut tarnitsinnullu qanoq sunniuteqartigisarnera pillugu ilisimasaminik avitseqatigaatigut. Sianiuteqarfipput sunnertinneqaraangami uippakajaarnermi, kingunerlutsitsinermi allatulluunniit timimut sunniussinnaasumik aqqusaagaqaangat susoqartarnersoq nassuiaavoq. Timitta inissisimaffia aallaavigalugu sianiuteqarfipput qanoq qisuariartaateqarnersoq aamma assersuusiorpoq, sianiuteqarfitsinnilu sunnertissimatilluta qanoq iliorluta timitsinni iliorsinnaanerluta oqaluttuarpoq. Immikkoortoq una timip tarnillu peqqissuutinnissaannut ilisimasanik naleqarluartunik tunniussisuuvoq
I sidste episode lærte vi Rita at kende som person. I denne episode tager vi skridtet videre og udforsker hendes arbejde som nervesystemsterapeut. Rita deler sin dybdegående viden om, hvordan vores nervesystem spiller en central rolle i vores fysiske og mentale sundhed. Hun forklarer, hvad der sker i kroppen, når nervesystemet bliver overbelastet af stress, traumer eller andre faktorer, og hvordan dette kan manifestere sig som fysiske symptomer. Gennem konkrete eksempler belyser hun også, hvordan vores fysiske tilstand kan påvirke nervesystemets balance, og hvordan vi kan arbejde aktivt med kroppen for at berolige nervesystemet i udfordrende situationer. Episoden giver værdifulde indsigter i, hvordan man kan skabe en sundere forbindelse mellem krop og sind.
Aaqqissuisoq: Arnanguak Lyberth
Peqataasut: Sara Fredsbo & Rita Falck-Petersen
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq Oktoberimi 2024-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.