INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#150 Inimi taarnerpaami oqaluttuat imm. 2 / Fortællinger i det mørkeste rum, Del 2
INUNA qiiaammisaarnartunik oqaluttuaqattaartitsinnini nangippaa / Der er fortsat uhyggelige fortællinger hos INUNA
Immikkoortumi uani isiginnaartitsisarfiup inaani taarnerpaami, naneruutaannarnik qaammaqquteqartumi oqaluttuaqattaannerit episodep siuliata nanginneraa. Tassani kalaaliusugut ilisarnaatigisatta ilaat: ersinartulikkersaanneq pillugu katersuunnitsinni immiussivugut. Pulaartuutta oqaluttuat misigisimasatik - aliortukkat, eqqumiitsut allallut qiimaamminartut oqaluttuarissavaat. Inimi taartuinnarmiittugut quilertakumisaartugullu peqatigisigut. Unnuk ersinartumik amiilaarnartunillu oqaluttuaqattaaffik - tusarnaarnissat ersiginngikkukku?
I denne særlige episode inviterer vi dig endnu engang, som en fortsættelse til forrige episode, til en aften i det mørkeste lokale i teatret, hvor kun flimrende stearinlys bryder mørket. Her samles vi om en af vores mest elskede og frygtindgydende traditioner: fortællinger, der får blodet til at fryse til is. Vores gæster deler deres egne skræmmende historier – fra spøgelsessyn til mystiske hændelser, dybt forankret i grønlandsk folklore. Med mørket som bagtæppe kryber uhyggen helt ind under huden og får kuldegysningerne til at sitre. Det bliver en aften med gys og gru – tør du lytte med?
Aallakaatitassiortoq: Arnanguak Lyberth
Peqataasut: INUNA Podcastimi sulisut aammalu qaaqqusat
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq Oktoberimi 2024-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.