INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#154 Inuk tamaat isigalugu / Det hele menneske
Coachingip aamma mentoringip silarsuaanik INUNA sammisaqarpoq / INUNA har fokus på coaching og mentoring
Immikkoortumi coach aamma mentor Arnannguak Filemonsen Odensemut angerlarsimaffianut pulaarparput. Arnannguaq uummaarissuuvoq isummersuisuullunilu, nalunanngilarlu suliani uummateqarfigilluarai. Piffissap ingerlanerani ilinniarsimasani tunuliaqutigisani akuleriisillugit asseqanngitsumik periaaseqarluni nittartakkakkut attaveqaqatigiiffiusinnaasumik sullitaminut pilersitsisimavoq.
Qanoq ililluni Arnannguup periaatsini inunnut ataasiakkaanut nalimmassarsimanerai paasisaqassaagut. Suliaqarfini pillugu oqaluttuartoq, aammalu anguniakkanik angusaqarniartut qanoq ilillutik anguniagaannut siunnersuisarnersoq tusarnaarit - immaqa illit aamma iluaqutigisinnaassavat.
Arnannguup nittartagaa uani iserfigineqarsinnaavoq: https://arnannguaq-coaching.dk/kl-gl/
I denne episode besøger vi coach og mentor Arnannguaq Filemonsen i hendes hjem i Odense. Arnannguaq er en energisk og inspirerende kvinde, som brænder for sit arbejde. Hun deler, hvordan hun gennem årene har kombineret sine uddannelser for at udvikle unikke metoder og skabt et online forum, hvor hendes klienter kan mødes og støtte hinanden.
Vi får indblik i, hvordan Arnannguaq tilpasser sine metoder, så de passer præcis til den enkelte. Lyt med, når hun fortæller om sit arbejde, og giver værdifulde råd til, hvordan man kan nå de mål, man sætter sig for.
Man kan se Arnannguaqs hjemmeside her: https://arnannguaq-coaching.dk/
Aallakaatitassiortoq / Tilrettelægger: Arnanguak Lyberth
Peqataasoq: Arnannguaq Filemonsen
Speak: Arnanguak Lyberth & Arnannguaq Gerstrøm
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kandasamy
Aaqqissuunneqarpoq / Redigeret: Novembeber 2023
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.