#156 Ulimaannagaavunga / Jeg er en selvlært kunstner Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#156 Ulimaannagaavunga / Jeg er en selvlært kunstner

November 21, 2024 • INUNA • Season 4 • Episode 156

Tatituujuvoq naammagittartuulluni / Er tillidsfuld og tålmodig

Meeraagallaramili eqqumiitsuliorneq soqutigisarillersimavaa atuarnermillu nuannarisaqarsimanani.
Immikkoortumi uani Kaj Rosing Carlsen angerlarsimaffianut pulaarlugu ilisaritinneqarpoq.

Kaj “meerarpassuarnit” inersimasunngoreersimasunit ilisarineqartarpoq. Sulerisuusimagamiuna amerlasuunit ilisarineqartartoq?

Kaj iluamik kinaanera paasilluarusullugu Kajip nulia Tola Rosing Carlsen ilanngullugu oqaloqatigineqarpoq taamaasillutalu aamma tatituujusoq paasinarsilluni.

Tusarnaarluarisi

Han har siden barndommen været interesseret i kunsthåndværk og var ikke vild med skolen.

I denne episode besøges Kaj Rosing Carlsen i hans hjem for at finde ud af hvem Kaj er som person.

Kaj har “mange børn” som er blevet voksne, men hvad har han lavet siden mange kender ham?

For at finde ud af mere om Kaj som person, har vi snakket med Kaj´s kone Tola Rosing Carlsen og dermed fundet ud af at han er en tillidsfuld person.

God fornøjelse

Aallakaatitassiortut: Sara Fredsbo
Peqataasut: Kaj Rosing Carlsen & Tola Rosing Carlsen
Speak: Arnannguaq Gerstrøm & Sara Fredsbo
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq Novemberimi 2024-imi

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq

INUNA podcast, med Arnannguaq Gerstrøm som projektleder, er en del af Nordisk Teaterlaboratorium.