#158 Suliffissaaleqineq / Arbejdsløshed Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#158 Suliffissaaleqineq / Arbejdsløshed

November 28, 2024 • INUNA • Season 4 • Episode 158

INUNA ingeniøritut ilinniakkalik pulaarpaa / Inuna besøger en ingeniøruddannet

Paninnguaq Sandgreen ingenøritut ilinniagaqarpoq aappanilu pingsanunik meeraqarlutik. Paninnguaq nakorsanngornissani takorloortarsimagaluarpaa, kisiannili takorluukkat sinnattorisallu allanngorsimapput ilinniagaqarnissamullu paasisassarsiornermini ingeniørinngornissani toqqarsimavaa.

Ilinniakkani naammassigamiuk qanormita ingerlasimava? Immikoortumi uani tusarnaaruk.

Paninnguaq Sandgreen er uddannet ingeniør og bor sammen med sin mand og deres 3 børn i Harlev. Paninnguaq drømte ellers om at blive læge, men drømmene ændrede sig og en uddannelsesmesse førte til ingeniøruddannelsen.

Hvordan er det gået med arbejdslivet siden hun blev færdiguddannet? Hør om det i denne episode.

Aallakaatitassiortoq: Najaaraq Kriegel

Speak: Arnajaraq Joelsen
Peqataasoq: Paninnguaq Sandgreen
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy

Siullermik aallakaatinneqarpoq Novembarimi 2024-imi

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.