INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#162 Inuit ukiut 50-nngortorsiortinneqarnerat / 50 årsjubilæum for Inuit
INUNA Podcast Vejlemi Juullimut inuulluaqqusinermut peqataavoq / INUNA Podcast er med til Julehilsen i Vejle.
Ukiut tamaasa Danmarkimi kalaallit juullimi inuulluaqqusisarput. Tamanna ukioq manna aamma pivoq, ukiormannalu immikkuullarissutigaa ullormi pisoqarfiusumi, Danmarkimi kalaallit peqatigiit kattuffiat, INUIT, ukiuni 50-nngortorsiormat. Ulloq pisoqarfiulluarpoq, ullormilu pisut ilaat immikkoortumi unai tusarnaarneqarsinnaapput.
Ilaatigut kattuffiup oqaluttuassartaa, peqatigiiffiit oqaloqatineqarneri aammalu aliikkusersuisut tusarfigilaassavarput.
Hvert år sender grønlændere i Danmark en julehilsen. I år var ingen undtagelse, og det specielle i år var, at sammenslutningen af grønlandske foreninger i Danmark, INUIT, havde 50 års jubilæum den dag. Dagen var indholdsrig, og i denne episode kan man høre optagelser fra den dag.
Deriblandt kan høre om sammenslutningens historie, samtaler med foreningerne og underholdning fra dagen.
Aallakaatitassiortoq: Arnanguak Lyberth
Immiussisut: Mia Skifte Lynge & Arnanguak Lyberth
Peqataasut: Aaqqissuisut, Peqatigiiffiit allallu ullormi peqataasut
Speak: Arnannguaq Gerstrøm & Arnanguak Lyberth
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq Decembarimi 2024-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.