INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#163 Nuummi takuss
Imarpik qulaallugu timmisartuussinerit siulliit
1954-imi Novemberip qaammataani oqaluttuarisaanermi siullerpaamik imarpik qulaallugu Københavnimiit Kangerlussuarmut timmisartuussineq siulleq ingerlanneqarsimavoq. Taamanikkut sila siallersimavoq.
Novemberillu 28-ani 2024-mi oqaluttuarisaanermi imarpik qulaallugu Københavnimiit Nuummut timmisartuussineq siulleq ingerlanneqarmat taamanikkutuut aamma sila siallerpoq.
INUNA-mi aallakaatitassiortut marluk imarpik qulaallugu Københavnimiit Nuummut utimullu timmisartuussinerit siulliit peqataaffigivaat.
Angalanermi persuarsiorfioqisumi Miap Sarallu peqataanerminni oqaloqatigiinnerat, ilaasut, Air Greenland-ip sulisui mittarfissualiornermullu pilersaarusioqataallutik suleqataasimasut naapinnerini misigisaminnik oqaluttuartinneqarneri, minnerunngitsumillu oqalugiartut oqalugiaataasa ilaat immikkoortumi uani tusarnaarsinnaavatit.
INUNA-p peqataatitaqarnissaanut periarfissamik tunisisoq Air Greenland qujaffigingaarparput.
De første atlantflyvninger
Det var en historisk dag i november måned i 1954, da den første atlant flyver fløj fra København til Kangerlussuaq. Det havde regnet dengang.
Og da en historisk atlant flyver fløj direkte fra København til Nuuk, den 28.november 2024, var det også regnvejr.
2 redaktører fra INUNA var om bord på de to allerførste flyvninger over Atlanten, direkte fra København til Nuuk, og tilbage igen.
I denne episode vil I høre fra Mia og Saras samtaler, fra passagerer, fra Air Greenland’s personale og dem, som har været en del af tilblivelsen og forberedelserne til det nye atlantlufthavn i Nuuk, ikke mindst hører I lidt fra talerne ved den historiske begivenhed.
Vi takker Air Greenland for at sponsorere INUNA’s deltagelse.
Aallakaatitassiortut: Mia Skifte Lynge & Sara Fredsbo
Speak: Arnannguaq Gerstrøm & Sara Fredsbo
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq Decemberimi 2024-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.