INUNA podcast
INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq
INUNA podcast
#165 Juullimi pilluaritsi / Glædelig jul
Immikkoortumi uani INUNA Podcast juullerpalaartitsivoq / I denne episode holder INUNA Podcast julehygge.
Suleqatigiit ataatsimoornitsinni qaaqqusilluta juullimut qiortaatitsivugut, erinarsoqatigiinniillu tusarneqisumik tussiarfigineqarluta.
Ullormi tassani imimussavut immikkoortumi uani tusarsinnaavasi, novembarillu aallartinnierani Arktisk Festivalimi naapitatta ilaquttaminnut ikinngutiminnullu juullimut inuulluaqqussutata tusarsinnaallusigit.
Tusarnaartartuvut tamassi juullimi pilluaqqungaarpassi.
Qanortoq juulli asanninnermik misigiffigigisiuk.
Teamet inviterede til juleklip og havde besøg af et kor, som sang smukt.
I denne episode kan I høre vores optagelser fra dagen, og ikke mindst kan I lytte til julehilsener fra de skønne mennesker, vi mødte til Arktisk Festival i begyndelsen af november.
Vi ønsker alle vores lyttere en rigtig glædelig jul.
Må I alle føle kærlighed i juletiden.
Aallakaatitassiortoq/Tilrettelægger: Mia Skifte Lynge
Speak: Najaaraq Kriegel aamma Arnannguaq Gerstrøm
Peqataasut/Medvirkende: INUNA Teamet, Erinarsoqatigiit Arsarnerit, Arktisk Festivalimi peqataasut
Erinniat aamma nipit/Musik og lyd: Petra Banke aamma Arnannguaq Gerstrøm
Nipinik katiterisoq/Lydredigering: Krishna Kandasamy
Siullermik aallakaatinneqarpoq decembarimi 2024-imi
INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.
INUNA podcast, med Arnannguaq Gerstrøm som projektleder, er en del af Nordisk Teaterlaboratorium.