#182 Meeqqanik arsaarinnittarneq / Tvangsfjernelser af børn del 1 Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#182 Meeqqanik arsaarinnittarneq / Tvangsfjernelser af børn del 1

March 25, 2025 • INUNA • Season 5 • Episode 182

Angajoqqaatut sukataarutit

Immikkoortumi qulequttatut toqqakkatsinni siullermi INUNA-mit ukiuni kingullerni qaallunaat nunaanni kalaallit meerartaannik arsaarinnittarneq tusarsaaleraluttuinnartoq alapernaaffigalugu sammissallugu toqqarsimavarput.

Qulequtaq oqimaatsoq ammaanniarlugu Laila aamma Sara aqqusaakkaminnik oqaluttuartippagut. Qitornanik arsaagaaneq misigissutsitigut kalluaarujussuartarpoq, tamannalu aamma ammasumik oqaluuserineqarnissaa aammalu pisinnaatitaaffinnik ilisimaarinninnissaq pingaaruteqartuuvoq.

Inuunermik allannguinissamut suut aqqutigineqarsinnaasut aammalu arsaagaasimanermi piumasaqaatigineqartut suusinnaanerinik oqaluttuartoqarpoq, tamannalu angajoqqaat meeqqallu siunissaat pitsaanerusoq anguniarlugu oqartussat piumasaqaataannik paasinninnissaq pingaaruteqartuuvoq.

angajoqqaatut aqqusaakkat inuunermi sukataarutit artornarnerpaat ilagigunagaat paasisaqarfiginerorusullugu tusarnaarit.

Kampe som forældre

I denne podcastserie tager vi fat på et vigtigt og følsomt emne – tvangsfjernelse af grønlandske børn. De seneste år har der været øget opmærksomhed på dette område, og INUNA har valgt at sætte fokus på det for at forstå, hvad det betyder for de familier, der bliver berørt.

I første episode har vi talt med Laila og Sara, som deler deres personlige oplevelser med tvangsfjernelse af børn. De fortæller åbent om de følelsesmæssige op- og nedture, der følger med en sådan oplevelse, og hvorfor det er så vigtigt at have kendskab til sine rettigheder som forælder.

Der fortælles også, hvilke livsstilsforandringer der kan være nødvendige, og hvilke krav der stilles i forbindelse med tvangsfjernelse. Dette er en nødvendighed for at kunne forstå og navigere i systemet og for at sikre en bedre fremtid for både forældre og børn.

Lyt med og få indsigt i, hvordan man som forælder kan håndtere en af livets sværeste kampe.

Aallakaatitassiamik suliarinnittut / Tilrettelægger: Sara Fredsbo
Peqataasoq / Medvirkende: Laila Bertelsen & Sara Bæk
Speak: Arnannguaq Gerstrøm & Sara Fredsbo
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Krishna Kandasamy.

Siullermik aallakaatinneqarpoq marts-imi 2025-mi.

INUNA podcast
Isiginnaartitsinermik suliaqarfiup, Nordisk Teaterlaboratorium-ip ilagaa, INUNA
podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.