INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#184 Tusatsiakkat / Kort nyt

April 01, 2025 • INUNA • Season 5 • Episode 184

Nuannersutut soqutiginartutullu immiussaalluni tusarnaagassiaavoq! INUNA Kamikpostemeersunik nutaarsiassanik annikinnerusunik itinerusunillu eqqartuiffiuvoq, aamma Faxe Kondi pillugu oqaloqatigiinneq nuannersuullunilu illarnartuusinnaavoq. Tusarnaagassiaq tusarnaaruminarsagaavoq sunillu tamanik oqaluuserineqarsinnaasunik imaqarluni

Det lyder som en hyggelig og interessant episode! INUNA ser ud til at dække både store og små nyheder fra Kamikposten, og det er sjovt, at Faxe Kondi også bliver et samtaleemne. Det giver episoden en uformel og afslappet stemning, hvor alt kan vendes.

Aallakaatitassiamik suliarinnittut / Tilrettelægger: Sara Fredsbo & Arnánguak Lyberth
Peqataasoq / Medvirkende: Karline Platou, Najaaraq Kriegel, Arnajaraq Joelsen, Arnánguak Lyberth & Sara Fredsbo
Speak: Arnannguaq Gerstrøm & Najaaraq Kriegel
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Krishna Kandasamy.

Siullermik aallakaatinneqarpoq apriilimi 2025-mi.

INUNA podcast
Isiginnaartitsinermik suliaqarfiup, Nordisk Teaterlaboratorium-ip ilagaa, INUNA
podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.