#190 Avissimanerup kingorna // Efter skilsmisse Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#190 Avissimanerup kingorna // Efter skilsmisse

April 22, 2025 • Season 5 • Episode 190

Immikkoortumi uani Fyn-imi Ringe-mi Janni Brandt, qatanngutigiinni nukarlersaalluni peroriartorsimasoq, angerlarsimaffianut nuannerluinnartumut pulaarparput. Jannip kinaanini, peroriartornini aammalu nammineerluni ilaqutsiulerfigisimasami uissami naapinnera oqaluttuarai.

Aammali inuunermi toqqagassat sapernartut aqqutigisariaqakkallu nutaat oqaluttuarai. Jannip avissimanini tassungalu tunngatillugu nunatsinnut angerlarseraluarluni meeqqani pillugit Danmarkimiiginnarnissaminik toqqaasimanini oqaluttuarai. Kisimiittunngornermi nunatsinni kulturip, ilaqutamaarneq ikinngutimaarnerlu amigaatigisarneri unneqqarilluni oqaluttuarai.

I denne episode er vi taget til Ringe på Fyn for at besøge Janni Brandt, der er vokset op som den yngste i en søskendeflok. Janni deler sin personlige fortælling med os – om hvem hun er, hvordan hendes opvækst har formet hende, og om mødet med den mand, hun får tre børn med.

Men det er også en fortælling om svære valg og livets omveje. Janni åbner op om sin skilsmisse og de overvejelser, der følger med, når man står over for at skulle vælge mellem længslen efter sit hjemland – Grønland – og ønsket om at skabe stabilitet for sine børn i Danmark. Hun fortæller ærligt om savnet efter den grønlandske kultur, det sociale fællesskab med familie og venner, og om at finde sin plads midt i det hele.

Aallakaatitassiamik suliarinnittoq: Arnanguak Lyberth Peqataasoq: Janni Brandt Speak: Arnannguaq Gerstrøm & Najaaraq Kriegel
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy

Siullermik aallakaatinneqarpoq Aprilimi 2025-mi.

INUNA podcast, isiginnaartitsinermik suliaqarfiup, Nordisk Teaterlaboratoriumip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.