#196 Anaanaq, Annaasaqarneq, Ataatsimoorfiuneq // En Mor, Et tab, Et fællesskab Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#196 Anaanaq, Annaasaqarneq, Ataatsimoorfiuneq // En Mor, Et tab, Et fællesskab

May 13, 2025 • INUNA • Season 5 • Episode 196

Inuunermi aqqusaakkat pillugu oqaloqatigiinneq // En samtale om livet

Immikkoortumi uani Kirstine Najarak Berthelsen, ukiorpassuarni Københavnimi najugaqarsimasoq, ilisaritissavarput. Arnaavoq nukittooq asannittorlu, ilaquttaminik pingaartitsisoq, kinguaanilu inuunerani pingaaruteqarnerpaapput. Kirstine kalaaleqatiminik kalaaliminertortitsisarnermini ataatsimoortitsisarpoq.

Kirstinalli inuunermini aqqusaagarpassuisa ilagaat aliasunneq. Takorlooruminaaqisumik meeratuani annaasimavaa. Oqaloqatigiinnermi tamanna pillugu oqaluttuarpoq, aliasunnermilu qanoq inuuneq ingerlaqqissimanersoq aamma oqaluttuaralugu.

Oqaluttuaq inuunermut, ataatsimoornermut, sorlaqarfiit puigunnginnissaannut tunngasoq, naak inuunermi aqqusaakkat annernaraluartut.

I denne episode møder vi Kirstine Najarak Berthelsen, som har boet mange år i København. Hun er et stærkt og kærligt familiemenneske, og hendes efterkommere betyder alt for hende. Kirstine har også skabt et fællesskab omkring sig og fungerer som et samlingspunkt for grønlændere i byen, hvor hun ofte inviterer til sammenkomster med grønlandsk mad og varme samtaler.

Men Kirstines liv har også været præget af stor sorg. Hun har oplevet det ubærlige – at miste sit eneste barn. I samtalen deler hun ærligt sin historie og den styrke, det kræver at leve videre med et knust hjerte.

En fortælling om livskraft, fællesskab og om at holde fast i sine rødder, selv når livet gør allermest ondt.

Aallakaatitassiamik suliarinnittut:
Immiussisoq ataqaqatigiissaarisorlu / interviewer og tilrettelægger: Arnajaraq Joelsen

Speak: Arnannguaq Gerstrøm & Najaaraq Kriegel

Erinniat aamma nipit / Musik og lyd: Petra Banke & Arnannguaq Gerstrøm

Nipinik katiterisoq / Lydredigering: Krishna Kandasamy.

Siullermik aallakaatinneqarpoq maajimi 2025-mi.

INUNA podcast isiginnaartitsinermik suliaqarfiup, Nordisk Teaterlaboratorium-ip ilagaa, INUNA Podcast-imilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.