#197 Sinnattut piviusunngortarput / Drømme bliver til virkelighed Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#197 Sinnattut piviusunngortarput / Drømme bliver til virkelighed

May 15, 2025 • INUNA • Season 5 • Episode 197

INUNA-mit Herlevimut arnaq inuusuttoq pulaarparput // Vi fra INUNA besøger en ung kvinde i Herlev

Arnaq inuusuttoq Danmarkimut nuunneq, sinnattorisani malersorlugit inuuneqalersimasoq uani immikkoortumi oqaloqatigissavarput. Oqaluttuassartaa ilinniarnertuunngorniarluni ikinngutimi qimeriaasalersortalersimanerinik aallartippoq. Maja ullumikkut kosmetologisut ilinniagaqarpoq namminersortuullunilu.

Majap sinnattorisimasaata piviusunngortissimanera, asanninneq peqqutaalluni kisarsimanera, kulturimilu sungiusimanngisamini inissinniarnissani pillugit oqaloqatigaarput. Nunagilikkamilu toqqammavissaqalerniarnermi suut piumasaqaataasimappat?

Sapiissusermik, namminersortuunermik aqqutissamillu nassaarniarnarmut oqaluttuaq nuannersoq isumassarsiorfiusinnaasorlu.

I denne episode møder vi Maja – en ung kvinde, der rejste til Danmark for at forfølge sine drømme. Det hele begyndte med små øjeblikke i gymnasiet, hvor hun hjalp sine veninder med at ordne øjenvipper. I dag er Maja uddannet kosmetolog og driver sin egen virksomhed.

Vi taler med hende om rejsen fra drøm til virkelighed, om kærligheden, der blev hendes anker, og om det at finde sig til rette i en kultur, man ikke er vokset op med. Hvordan navigerer man mellem identitet, ambition og nye omgivelser? Og hvad kræver det at skabe sit eget fundament i et nyt land?

En ærlig og inspirerende fortælling om mod, selvstændighed og at finde sin vej.

Immikkoortumi uani suliarinnittut tassaapput:

Aaqqissuisoq: Arnanguak Lyberth

Immiussisoq: Najaaraq Kriegel

Peqataasoq: Maja Poulsen

Speak: Arnannguaq Gerstrøm & Najaaraq Kriegel

Erinniat aamma nipit / Musik og lyd: Petra Banke & Arnannguaq Gerstrøm

Nipinik katiterisoq / Lydredigering: Krishna Kandasamy.

Siullermik aallakaatinneqarpoq maajimi 2025-mi.

INUNA podcast isiginnaartitsinermik suliaqarfiup, Nordisk Teaterlaboratorium-ip ilagaa, INUNA Podcast-imilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.