INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#202 TikTok Family

June 03, 2025 • INUNA • Season 5 • Episode 202

Nittartakkakkut naapinnikkut ilisarisimasariilerneq // Nye bekendtskaber online

Bannigaaneq. Malinnaasoqarneq. Innuttaasorneq. Liverneq. Qujamasunneq. Ilaqutartaarneq. Oqaatsit taakku uani immikkoortumi uteqattaarneqartut ilagaat. Tassani inuit imminnut ilisariillualersimasut oqaloqatigiinneri tusarnaassavagut. Taakkulu nittartakkakkut naapittarfikkut, TikTok-ikkut ikinngutigiilersimapput, ilaallu ilaqutariillutik.

At blive banned. At have følgere. Varulvespillet. At være på live. Taknemmelighed. At få en ny familie. Disse ord er nogle af de ord, der bliver nævnt igen og igen i denne episode. Og de mennesker, vi hører tale her har mødt hinanden gennen sociale medier, nærmere betegnet TikTok, og nogle af dem er endda i familie med hinanden.

Aaqqissuisoq / Tilrettelægger: Arnanguak Lyberth
Peqataasut / Medvirkende: Fredo (Sara Fredsbo), Emanuel Hansen Frederiksen, Fifty Bent (Bent Miilu Dahl), Iiju (Jonna Eliassen) , Ajaapalaa (Hedvig Storch), Mor Kalou (Karen Louise Lynge Shah), Atsatoqaq (Sofie Kleist), Fatma (Nuni Siegstad), Kamma Kaali (Karl Filemonsen), sikki2017 (Sikki Kvania Okine)

Speak: Arnannguaq Gerstrøm & Sara Fredsbo
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Petra Banke
Siullermik aallakaatinneqarpoq / Først udgivet: Juuni 2025

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA
podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.