#203 Ataasiunasoriniarlugu / Vi troede, at der kun var en Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#203 Ataasiunasoriniarlugu / Vi troede, at der kun var en

June 05, 2025 • INUNA

Immikkoortumi uani Suusaat Poulsen, Slagelsemi najugalik, pulaassavarput. Suusaat ilinniartuuvoq, niviarsiaqqanullu marlulissanut kisimiittuulluni anaanaalluni. Suusaap Kangerlussuarmi najugaqarluni naartulersimanini oqaluttuaraa - anaananngornissaminullu piareersaatigisimasani allanngoriataarsimasut oqaluttuarigai tusarnaarsinnaavarsi.

Anaananngornermut eqqarsaatersuutai, piareersaatit minnerunngitsumillu misigissutsikkut piareersarsimanini oqaluttuarai. Kisimiittuullunimita marluliaateqarluni qanoq ippat? Suullu pingaartitani meeqqaminut ingerlateqqippai? Ulluinnarnilu suminngaanniit nukissaminik aallertarpa?

I denne episode besøger vi Suusaat Poulsen, der bor i Slagelse. Suusaat er studerende og enlig mor til tvillingepiger. Hun fortæller om, hvordan hun blev gravid, mens hun boede i Kangerlussuaq – og hvordan hendes forberedelser til moderskabet pludselig tog en ny drejning.

Hun deler sine tanker om det at blive mor, de praktiske forberedelser og ikke mindst den følelsesmæssige rejse. Hvordan er det at være enlig mor til tvillinger? Og hvor finder hun sin energi i hverdagen?

Aaqqissuisoq / Tilrettelægger: Arnanguak Lyberth
Peqataasoq / Medvirkende: Suusaat Poulsen
Speak: Arnannguaq Gerstrøm & Mia Skifte Lynge
Erinniat aamma nipit / Musik og lyd: Petra Banke & Arnannguaq Gerstrøm
Nipinik katiterisoq / Lydredigering: Emanuel Hansen Frederiksen
Siullermik aallakaatinneqarpoq / Først udgivet: Juuni 2025

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.