#207 Meeqqat tillitat / De stjålne børn Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#207 Meeqqat tillitat / De stjålne børn

June 19, 2025 • INUNA

Immikkoortumi uani, ukiumik ataatsimik uterialaassaagut.
Ukioq kingulleq martsip arfernani atuagaq Atlant-Spagat(i) saqqummerpoq, immikkoortumilu 104-mi tamanna kingumut tusagaqarfigisinnaavarsi.
Maanna atuakkami oqaluttuartuusut ilaat sisamat suleqatitta oqaloqatigineri tusagaqarfigissavarput.

Sammisaq sakkortusinnaavoq attortinnarlunilu, tassami Kalaallit Nunaata Danmarkillu akunnerminni oqaluttuarisaaneranni pisimasut ilaannut atassuteqarpoq.

Paasisat aallaavigalugit 1979 sioqqullugu kalaallit meerarpassuit danskinut meeravissianngortinneqartarsimapput, ilaatigut allakkatigut angajoqqaat akuersissutigisimanngisaannik.

Erseqqissaassutigilaassavarput oqaluttut danskisuumit kalaallisuunngorlugit immiussaammata, nutsikkallu immikkoortumi uani suleqatigiiullutalu immiussaralutigit.

//

I denne episode kigger vi et år tilbage.
I marts sidste år udkom bogen Atlant-Spagat(i), og det kan I høre om i episode 104.
Nu skal vi lytte til interviewet med 4 af de medvirkende i bogen, som vores kolleger har snakket med.

Det er et hårdt og rørende emne, det omhandler nemlig nogle af de ting, der er foregået imellem Grønland og Danmark.

Man har erfaret, at op til 1979, var mange grønlandske børn blevet adopteret til danske familier, ofte uden skriftlig samtykke fra forældre.

Vi vil gøre opmærksom på, at interviewet er oversat til grønlandsk og optaget af vores kolleger.

Aallakaatitassiamik suliarinnittoq: Mia Skifte Lynge
Apersorneqartut: Winie Juliane Ludvigsen, Elisa Christiansen, Nanna Schlottmann, Johanne Abelsen aamma Sørine Gejl
Atuaasut/Speakere: Emanuel H. Frederiksen, Arnánguak Lyberth, Sara Fredsbo aamma Mia Skifte Lynge
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy.
Siullermik aallakaatinneqarpoq junimi 2025-mi.

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, er en del af Nordisk Teaterlaboratorium.