#210 Kalaallit Nunaat Tivolimi / Grønland i Tivoli Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#210 Kalaallit Nunaat Tivolimi / Grønland i Tivoli

July 31, 2025 • INUNA • Season 6 • Episode 210

Kalaallit Nunaat Tivolimi - aaqqissuisut oqaloqatigineri

Ulloq 31. juli aamma 1. augyst 2025 Tivolimi kalaallit naaperrattussaapput - INUNA Podcastimilu immikkoortumi uani Kalaallit Nunaat Tivolimi-mi aaqqissuisut oqaloqatigaagut.

Københavnip qeqqani kulturikkut pikialaartitsineq qanoq aaqqissuunneqartarpa? Pilersaarusiornermi suut eqqarsaatigineqartarpat? Sooruna aamma Danmarkimi kalaallit naapinnissaat taamak pingaaruteqartigisoq?

Suliarujussuami suliallit tusagaqarfigissavagut, nipilesortartut, eqqumiitsuliortut pisiniarfiutillillu aammalumi Tivolip suleqatigineri, aaqqissuisullu ullormi taakkunani sunik pissarsiuffiusinnaaneri pillugit aamma tusarfigissallugit.

Immikkoortoq una siammarterniarisiuk – eqqaamallugulu malinnaagussi immikkoortumik nutaamik saqqummertoqaraangat arajutsisassannginnassiuk.

Grønland i Tivoli – Samtale med arrangørerne

Den 31. juli og 1. august 2025 forvandles Tivoli til en grønlandsk festplads – og i denne episode af INUNA Podcast taler vi med arrangørerne bag Grønland i Tivoli.

Hvordan forbereder man et kulturelt arrangement i hjertet af København? Hvilke overvejelser ligger bag programmet? Og hvorfor er det vigtigt at skabe rum for grønlandske stemmer midt i Danmark?

Vi dykker ned i arbejdet bag kulisserne, samarbejdet med kunstnere og kulturaktører og ikke mindst med Tivoli selv, og hvad arrangørerne selv håber, publikum vil tage med sig.

Del gerne episoden – og husk at abonnere, så du ikke går glip af næste afsnit.

Aaqqissuisoq / Tilrettelægger: Arnanguak Lyberth

Immiussisoq: Mia Skifte Lynge

Peqataasut: Carsten Siegstad aamma Kim Falck-Petersen

Speak: Arnannguaq Gerstrøm & Arnanguak Lyberth

Erinniat aamma nipit / Musik og lyd: Petra Banke & Arnannguaq Gerstrøm

Nipinik katiterisoq / Lydredigering: Krishna Kandasamy

Siullermik aallakaatinneqarpoq / Først udgivet: 31. juli 2025-mi

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, har hjemsted i Nordisk Teaterlaboratorium.